Білім беруді дамыту орталығының ұйымдастыруымен 2021 жылдың 5 тамыз күні «Білім берудегі өзгеріс: жаңашылдыққа бетбұрыс және іс-әрекет» тақырыбында облыстық тамыз кеңесі аясында физика пәні мұғалімдеріне педагогтердің кәсіби педагогикалық өсуі мен шығармашылығын ынталандыру, біліктілігін көтеру, жаңашыл идеяларды насихаттау мақсатында «Білім беру жүйесінде педагогикалық технологиялар арқылы физика пәнін оқытудың тиімділігі» секциялық жұмысы өтті.
Әдістемелік алаң жұмысында спикерлер: Алматы қаласы «Fizika Pro» онлайн мектебі, Атырау қаласы «Достық» білім беру орталығы, «Педагогикалық шеберлік» орталығы, Түркістан облысы Созақ ЖОМГ, Батыс Қазақстан облысының қала, аудандық физика пәні мұғалімдері EdPuzzle, TOPIQ цифрлық оқулықтар платформасы туралы ақпараттар беріп, оқушылардың жаратылыстану-ғылыми сауаттылығын қалыптастыру бағытындағы жұмыстары және олимпиадаға əзірлеудің əдіс-тəсілдерімен ой бөлісті.
Секция қорытындысы бойынша ұсыныстар қабылданды.
Барлығы – 300 педагог қатысты.
