Білім беруді дамыту орталығы Техникалық және кәсіптік білім беру ұйымдарының ғылыми және оқу-әдістемелік жұмыс бағыты бойынша облыстық оқу –әдістемелік бірлестігінің жұмыс жоспарына сәйкес 2021 жылдың 29 сәуірі күні техникалық және кәсіптік білім беру жүйесіндегі оқыту нәтижелерін бағалаудың негізгі компоненттері туралы тәжірибе алмасу, ынтымақтастықты дамыту мақсатында «Техникалық және кәсіптік білім беру жүйесінде оқыту нәтижелерін бағалаудың негізгі компоненттері» атты зум платформасында облыстық практикалық семинары өткізілді.
Семинар міндеті оқытушылардың оқу-тәрбие үрдісін заманауи бағытта жүргізуін дамытуға ықпал ету, критериалды тұрғыда бағалаудың тиімділігі туралы ақпарат беру, оқытушыларды жаңа шешімдер іздестіруге және ғылыми-шығармашылық белсенділікті (креативті құзыреттерді) дамытуға ынталандыру.
Семинарға облыстық білім беруді дамыту орталығының әдіскерлері, техникалық және кәсіптік білім беру ұйымдарының оқу-әдістемелік жұмысы жөніндегі орынбасарлары мен әдіскерлері, жалпы білім беретін және арнайы пән оқытушылары, барлығы 82 адам қатысты.
Семинарда тақырып бойынша туындаған кейбір сұрақтарды ортаға салып, өзара пікір алмасты.
