Ұлы Отан соғысындағы Жеңістің 75 жылдығына арналған техникалық және кәсіптік білім беру ұйымдарының оқытушылары мен қызметкерлері арасында шағын футболдан облыстық турнир туралы
2020 жылдың 28-29 ақпаны аралығында Бөрлі колледжінің ұйымдастыруымен облыстық білім басқармасының қолдауымен Бөрлі колледжінің базасында Ұлы Отан соғысындағы Жеңістің 75 жылдығына арналған техникалық және кәсіптік білім беру ұйымдарының оқытушылары мен қызметкерлері арасында шағын футболдан облыстық турнир өткізілді. 2014 жылдан бері дәстүрлі түрде өткізіліп жүрген биылғы турнирде қалалық және аудандық колледждердің 21 командасы қатысты. Спорттық шараның салтанатты ашылу рәсіміне облыстық білім басқармасының басшысы А.Тржанова, Бөрлі ауданы әкімінің орынбасары А.Көшкенбаев, колледж басшысы М.Утемуратов, аудандық мәслихат депутаттары, шараның демеушілері мен колледж басшылары қатысты. Екі күнге созылған тартысты кездесулер қорытындысы бойынша Бөрлі колледжінің оқытушылары мен қызметкерлерінің командасы жеңімпаз атанса, Жәңгір хан атындағы Батыс Қазақстан аграрлық-техникалық университетінің командасы 2-орынды, №46 жалпы орта білім беру мектебінің командасы 3-орынды иеленді. Турнирдің жеңімпаздары мен жүлдегерлері және жарыс кезінде жеке шеберлігімен көзге түсіп «Үздік ойыншы», «Үздік шабуылшы», «Үздік қорғаушы», «Үздік қақпашы» аталымына ие болған ойыншылар да облыстық білім басқармасының дипломдарымен және турнир демеушілерінің бағалы сыйлықтарымен марапатталды.
