«Волонтерлік қызмет – патриотизмнің жоғары көрінісі»

Ағымдағы жылдың 23 тамызы күні Мектептен тыс жұмыс орталығынның «Шабыт» шығармашылық орталығында білім беру ұйымдарындағы волонтерлік топтардың жетекшілеріне арналған «Волонтерлік  қызмет – патриотизмнің жоғары көрінісі» тақырыбында облыстық педагогикалық тамыз кеңесінің секциялық отырысы өтті.

Кез келген адам еркіне қарай волонтер бола алады. Ортақ құндылыққа бағытталған орта табуға, елдің игілігіне қызмет етуге, бір жеңнен қол, бір жағадан бас шығарып бірге  әрекет етуге шақырған шараның белсенді қатысушылары Орал қалалық жастар ресурстық орталығының жастар  бастамаларын қолдау бөлімінің  басшысы, «Шапағат» орденінің иегері Жүсіпқалиев Дулат Нұрбергенұлы, Орал қаласы маслихатының депутаты, волонтер Туркина Айгул Серікқызы,  БҚО қазақ күресі ассоциациясының президенті, үздік волонтер-2020,2021 Асет Сұлтанұлы, «Көшбасшылар»  клубының түлегі, волонтер Бозова Зарина, «Жастар Рухы»  жастар қанатының волонтері Утебалиева Айнаш болды.

Волонтер қозғалысын дамытуға болашақта облыс көлемінде біріккен тиімді жобаларды қайта жандандыруға  ұсыныстар жасалып, іс-тәжірибе алмасылды.

Шара барысында зияткерлік бағытындағы ойындар, мотивациялық кездесулер, топпен жұмыс түрлері көрсетілді.