«Еңбек нарығы және кәсіптік білім: жаңа мүмкіндіктер» тақырыбындағы облыстық техникалық және кәсіптік білім беру ұйымдарының инженер-педагогтері қызметкерлерінің тамыз кеңесі аясындағы секциялық отырыстары туралы
2022 жылдың 23 тамызында Білім басқармасы білім беруді дамыту орталығының техникалық және кәсіптік білім беру бөлімі педагогтердің дәстүрлі облыстық тамыз кеңесі аясындағы «Еңбек нарығы және кәсіптік білім: жаңа мүмкіндіктер» тақырыбында Жоғары аграрлық-техникалық колледжінің базасында техникалық және кәсіптік білім беру ұйымдары директорларының, директордың оқу - ісі, оқу - өндірістік, ғылыми – әдістемелік, тәрбие жұмысы жөніндегі орынбасарлары және педагог-психологтері мен колледж әдіскерлерінің, Орал политехникалық колледжі мен Орал ақпараттық технологиялар колледжі базасында техникалық және кәсіптік білім беру ұйымдарының аға және өндірістік оқыту шеберлері мен арнайы пән оқытушыларының панельдік секция отырыстарын өткізді.
Секциялық отырыс жұмыстарына БҚО Білім саласында сапаны қамтамасыз ету департаменті, БҚО білім басқармасы, Білім беруді дамыту орталығы, Жәңгір хан атындағы Батыс Қазақстан аграрлық-техникалық университеті, М.Өтемісов атындағы Батыс Қазақстан университетінің «Рухани жаңғыру» институты, техникалық және кәсіптік білім беру ұйымдарының 300-ге жуық басшылары, басшы орынбасарлары, мамандары мен әдіскерлері қатысты.
Секциялық отырыстар тақырыптық, әдістемелік, тәжірибе алмасу, ақпараттық-пікірталас алаңдары форматында өтіп, отырысқа қатысушылар техникалық және кәсіптік білім беру жүйесін дамыту, кадрлар даярлаудың сапасын арттыру, әлеуметтік серіктестік, тәрбие жұмысына қатысты өзекті мәселелерді талқылап, пікіралмасып, өз тәжірибелерімен бөлісті. Жиындардың 1-бөлімі оқу жылының қорытындысы бойынша «Үздік колледж» рейтінгісінің жеңімпаздары мен техникалық және кәсіптік білім беру ұйымдарының белсенді педагогтерін марапаттаумен және әдістемелік ұсынымдар қабылдаумен аяқталды.
Жиынның 2-бөлімі техникалық және кәсіптік білім беру ұйымдарының жас маман педагогтары мен «Самғау» клуб мүшелерінің облысымыздың іріктеліп алынған базалық колледждерінде - Орал политехникалық колледжі, А.Иманов атындағы жол көлік колледжі, Орал «Сервис» технологиялар колледжінде орналасқан құзіреттілік орталықтарына экскурсиямен жалғасын тапты.
Секциялық отырыстар жұмысы колледж педагогтері үшін әдістемелік-ақпараттық берері мол шара болды.
Білім беру ұйымдары басшыларының секциясы
Оқу ісі жөніндегі орынбасарларының секциясы
Оқу-өндірістік жұмысы жөніндегі орынбасарларының секциясы
Оқу-әдістемелік жұмысы жөніндегі орынбасарларының секциясы
Тәрбие жұмысы жөніндегі орынбасарлардың секциясы
Арнайы пән оқытушыларының секциясы
Өндірістік оқыту шеберлерінің секциясы
